家有急事女學生遇上好心的士司機　網民：人間有情

有否試過因急事趕時間，揮揮手截的士，銀包卻不夠付車資？最近一位女同學正遇上這樣的情況，幸運的是遇上一位好司機。

該名的士司機其後在Facebook專頁「我的你的紅的」撰文指，當天凌晨近1時，女同學在藍田上車後問司機，64元是否足夠去將軍澳。司機看出她很焦急便說「多除少補啦」，並全速前進。

最終到目的地時，錶跳到七十九，未計三蚊隧道錢。我諗左成程車，決定唔賺呢舊錢。「d錢你留返一陣返屋企啦，由佢。」「下，唔得架，唔可以免費搭車架。」「唔好啦，你係得咁多。」「唔得架唔得架。」

我無再堅持，始終佢好趕時間，無謂拗，再者司機唔可以主動話收平d（好似係，但義載唔會唔得掛）。所以呢程錢雖然收唔足，但已經足夠有餘。

的士司機最後指，希望將64元歸還女同學，又公開承諾若對方沒聯絡，必定會全數捐出，絕不走數。

文章至今已累積6.4萬讚好、近300個分享，網民紛紛留言讚賞司機人品好。而事件中的主角－女同學更現身留言，再次感謝司機的幫忙。